الـــــــــــخطيئه ؟

بسم الله الرحمن الرحيم

اولا انا حبيت اكتب موضوع كده عشان حسيت ان القسم نام اوى بس انا عارفه ان دى ايام امتحانات بس قولت انزله وخلاص وعايزة اعرف رد كل واحد فيكم ايه على الموضوع دة
ســـــــــــــــؤال
ماذا تفعل اذا اخطئت يوما مع من تحب وعلمت بعد ذلك انه لا يريد البقاء معك ؟؟
بمعنى يا شباب
ان الواحد وقع فى خطأ جنسى مع اللى بيحبه وبعد ما عملت كده عشان بتثق فيه وبتحبه راح سابك ومقدرش يكمل معاك وقالك للاسف انا مينفعش اكمل معاك تانى
ايه اللى ممكن يحصل؟؟
لو حد فيكم وقع فى المشكله دى يا ترى ايه اللى ممكن يتعمل ... وايه حيكون رد الفعل عليه ساعتها ... الندم ولا اللوم ولا العتاب ولا ايه بالظبط
دة الجزء الاول من الموضوع
الـــــجزء التـــانى
ثانيا : انا عارفه انى دخلت موضوعين مع بعض بس انا حسيت انه ممكن يكونوا متشابهين فى نفس العنوان فاضطريت اعملهم مع بعض عشان برضو نناقش المشكله دى
ســــــــــــــؤال
ماذا تفعل اذا احببت يوما شخصا مدمنا ؟؟
ســــــــؤال اخـــــــــــــــر
لو انت جيت فى يوم من الايام عرفت انسان ولاقيته محترم جدا معاك وفجأه لاقيته اتحول 180 درجة ولاقيته بيشرب كل حاجة من انواع المخدرات
وانت وقفت جنبه وساعدته كتير لانكوا انتوا الاتنين بتحبوا بعض وفعلا هو استجاب لكده واتعالج الحمد لله وبعدها اكتشفت انه عايز يعمل كده تانى بس فى المناسبات
يعنى الاعياد وراس السنه والحاجات دى
ايه رد الفعل اللى ممكن انت تعمله وحتتصرف معاه ازاى وحتقبل بكده ولا لاء ؟؟
انا طولت اوى عليكم بس بجد دى مشاكل منتشرة اوووووى وكنت حابه اخد رائيكم فيها عشان الواحد لو صدفه حاجه من دى يقدر يحلها
ملحـــــــــــوظه
الجزء التانى من المشكله دى مشكله حقيقيه فعلا وواقعه فيها ناس اعرفهم
وانا متاكده انى حشوف اراء تعجبنى اوى

غيــــــــــر منقول

__________________